Ang Tunay na Pasista

Mula ito sa blog ni Sherwin Mapanoo, basahin niyo na lang. Salamat.
 
Prologo. Suriin ang mga ebidensiya at pagkakasunod-sunod ng mga pangyayari.

I. Ganito ang eksena: Ilang segundong lumindol sa Glorietta II at nabalot ng makapal na usok ang paligid. Wasak ang kisame. Basag ang salamin. Tumilapon ang mga kotse. Nagkalat ang halu-halong debris sa daan. Labing-isang tao ang patay. Halos isandaang tao ang sugatan. Ayon sa imbestigasyon, itinanim daw ang bomba malapit sa escalator. Pinalakas pa ang pagsabog ng mga LPG tanks ng kapalit na restaurants.

II. Agad na nagpahayag ang Malacanang ng pakikiramay sa mga biktima, at inatasan ang kapulisan na imbestigahan ang trahedya. “The President is deeply saddened by this incident and extends her sympathies to the families of the casualties… She has also ordered the PNP to get to the bottom of things and to leave no stone unturned,” ani Press Secretary Ignacio Bunye. Itinaas din ang alert level at nagdeploy ng dalawang libong pulis at sundalo sa Kamaynilaan.

III. Batay sa imbestigasyon, maaaring C-4 military grade plastic explosive ang ginamit sa pambobomba. Sa isang briefing sa Camp Crame kasama ang Pangulo, sinabi ng chemist ng AFP na nakitaan daw ng residues ng C-4 component na “RDX” ang pinangyarihan ng pagsabog.

IV. Inako na raw ng Rajah Solaiman Group ang pambobomba, ayon sa kumakalat na text message mula sa nagpakilalang Omar. Kasunod nito, nagpalabas ng anunsyo ang PNP na magbibigay ang gubyerno ng 2 milyong pisong reward sa sinumang makapagbibigay ng impormasyon upang maaresto ang mga suspek. Pati ang Makati businessmen at Lungsod ng Makati ay magkakaloob din ng tig-iisang milyong pabuya.

V. Sa isang radio interview kay National Security Adviser Norberto Gonzales, sinabi niyang ang pambobomba sa Glorietta ay maaaring “fund-raising activity” ng mga terorista. Aniya, “Isang intelligence report, may terrorist group nagpa-fund raising. Kung hindi ka magaling walang popondo sa iyo. May ganyang reports a few days before the bombing.” {Wala talaga akong masabi sa “intelligence” ng AFP. Anong silbi ng multi-milyong Confidential and Intelligence Funds? Hanep. Kamote. Kalabasa. Kangkong. Putangina.}

VII. Ang babala: Maaaring “patikim” pa lamang ang Glorietta Bombing, at may susunod pang mas matitinding pag-atake. {Gasgas na paglikha ng paranoia. Huwag matakot}

VIII. Ang ebidensiya: Bugbog-sarado sa iskandalo nitong nakaraang buwan at linggo si Gloria. Pinakahuli ang pamumudmod umano ng pera sa mga opisyal sa isang pagpupulong sa Malacanang. Kumanta na si Pampanga Gov. Ed Panlilio. Buking na. Hugas-kamay pa.

IX. Sino ang "kaaway?" Malinaw na malinaw.

Epilogo. Abangan ang mga susunod na (marahas) na kabanata.