Pagdalaw sa Site ni Teo

Ilang mga partial repost mula sa Blog ni Teo Marasigan nang minsang mapadaan ako:

Header ng Entry na Ramdam ang Kaunlaran?:

“Progress” affects few. Only revolution can affect many. ~~~ Alice Walker

+++++ for a change? Hehe. :-D

Mula sa entry na Krisis the Moment:

[Maganda ang tawag ni Prop. Margarita “Maita” Gomez ng Action for Economic Reforms sa neo-liberal na ekonomiks na itinuturo sa UPSE: autistic. Sa isang banda, insulto ito sa mga may autism, dahil hindi naman sila nakakapinsala sa isang buong sambayanan. Pero tinutukoy nito kung paanong may sariling mundo ang ekonomiks na ito, na kaiba sa mundo ng nakakaraming tao. May sarili itong mga pamantayan ng kaunlaran at pagbuti ng ekonomiya. May sarili itong pag-unawa sa mga suliranin ng bansa, gayundin sa mga solusyon sa mga ito.]

+++++ Nakakatawa dahil madalas naming gamiting magkakaibigan ang salitang AUTISTIC bilang paglalarawan sa mga katrabahong pumapalya sa pakikisama at mga gawi sa loob ng opisina (mean girls!)

Mula sa entry na Ang Birong Bastos ni Borat:

[Hindi ko pa napapanood ang pelikulang “Borat”. Pero ayon sa isang kaibigan, tungkol ito kay Borat, isang Kazakh o mamamayan ng Kazakhstan – isang bansa sa Gitnang Asya – na naglilibot at gumagawa ng mga kalokohan sa Amerika. Naikuwento sa akin ang isang eksena rito, na bukod sa nakakatawa, o dahil nga nakakatawa, ay mainam na pag-isipan dahil may sinasabing makabuluhan hinggil sa gera ng US sa Iraq. Sa isang banda, may mahahalaw ring pagsusuri sa todong gera ng rehimeng Arroyo sa Kaliwa.

Nagpunta si Borat sa Texas, ang estado sa US na pinagmulan ni Pangulong George W. Bush at kilalang balwarte ng konserbatibong patriyotismo ng mga Amerikanong puti. Pumasok siya sa rodeo stadium – kung saan nagpapakitang-gilas sa baril at kabayo ang mga cowboy, na laging puti, na napapanood sa lumang mga pelikula. Sa isip nating mga Pilipino, at marahil ng mga mamamayan ng US at ibang bansa, katumbas ng cowboy sa US ang ninja sa Japan – simbolo ng sinaunang tapang at dangal ng kanilang bansa.

Doon, pumunta siya sa mikropono kung saan kinakanta ang pambansang awit ng US, at binibigkas ang mga anunsiyo para sa mga naroon. Emosyonal si Borat. Sigaw niya: “Ako ay isang Kazakh, pero mahal ko ang Amerika!” Palakpakan ang mga tao. “Mahal ko si George W. Bush!” Palakpakan ang mga tao. “Sinusuportahan ko ang gera ng US sa Iraq!” Palakpakan ang mga tao. “Nawa’y laklakin ni George W. Bush ang dugo ng lahat ng bata, babae at lalakeng Iraqi!” Katahimikan. Natigilan ang mga tao, natigalgal.]

+++++ Clap! Clap! Clap! Mukhang magandang panuorin ang peilkulang Borat. Pangit kase ng title kaya kahit madalas ko makita sa video rentals, kinikeber lang...